МУГЖ Т.Ариунаа 1967 онд төрсөн, нас нь 53 хүрчихсэн ч эрч хүчээ алдаагүй, цоглог дайчин эмэгтэй. МУГЖ Т.Ариунаагийн дэргэд бүжиглэхдээ рок поп, нийтийн дуучин 30 хүрээгүй бүсгүйчүүд ч ичмээр, эрч хүчтэй, хөдөлгөөний эвсэлтэй дуучин. Хувийн амьдрал нь ч дуучид дундаа хамгийн адармаатай нь ч байж магадгүй. Гэхдээ энэ бүхнийг эрч хүчтэй давдаг. 2013 оны зун нөхөр Буяндорж нь удаа дараа саатуулагдаж, гэр, машинаа битүүмжлүүлж, найзынхаа машинаар хөл залгуулахад хүрсэн. Энэ үед “Би 30 жил юуны төлөө дуулсан юм бэ. (уйлав) Миний алдар нэр хий хоосон зүйл байсан юм байна гэдгийг би ойлголоо. Хэн нь ч миний төлөө дуугардаггүй юм байна” гэж ярилцлага өгсөн. Энэ үед элэг бүтэн байдал хамгийн чухал гэж ярьж байлаа.
Өнгөрсөн 2020 онд Буяндоржийн том хүү Б.Алдар хүүтэй болж, дуучин Т.Ариунаа эмээ болсон. Шинэ жилээр МУГЖ Т.Ариунаа хань Буяндорж, хүү Алдар, Өнөболд, бэр Уянга ач хүүгийн хамт гэр бүлээрээ авахуулсан зургаараа мэндчилгээ илгээв.
Discussion about this post