УИХ-ын гишүүн Д.Батлут дэглэм зөрчиж, дөнгөж төрсөн нярайг эцгээс нь түрүүлэн үнсэж явна

Ард түмэн аав ээжийнхээрээ ч очихгүй хөл хорионы дэглэм сахиж байхад УИХ-ын гишүүн Д.Батлут гэдэг нөхөр Өвлийн өвгөн, Өглөгийн эзэн аятай төрийн тусгай хамгаалалт бүхий албан газар, эмнэлэг, айлуудаар хэсээд явж байх юм. Эмнэлгээр хэссэн гэдгээ илэрхий сайрхан “Өнөөдөр 11 эх маамуулжээ” гэж эцэг нь аятай гайхуулж сууна. Бараг л би эх барилаа гэх нь холгүй аашилж байна. Бас болоогүй ээ, албан газруудаар бэлэг тараалаа ч, ажилтнууд хөөрхий баярлалаа гэж байна хэмээн ханхалзах. Хатуу хөл хорионы үеэр хүмүүс гэрээсээ ч гарч чадахгүй хашигдаж, хоригдож байхад УИХ-ын гишүүн Д.Батлут эмнэлгийн ажилтнуудыг жагсаан угтуулж, бөөнөөрөө 30-40 үүлээ сүрэглэн яваа харагдана.

УИХ-ын гишүүн вирус тусахгүй, дамжуулахгүй, жирийн иргэд өвчин тараана, тусна гэж тусдаа байх уу. Тийм тэнгэрийн амьтан биш биз дээ. Тэр байтугай дөнгөж төрсөн нярайг тэвэрч, ааваас нь түрүүлж үнсээд явна.  Ээж нь дотроо дургүй л байгаа шүү дээ. Тэгээд том даргын өөдөөс хүүхдээ үнсүүлэхгүй гэж хэлж чадаагүй биз. Ийм дарга нарт хөл хорионы дүрэм журам үйлчлэхгүй байна шүү гэж иргэд шүүмжилж байна.