Солонгосын 1986 оны мисс 80 хүрсэн ч гоо сайхнаа хадгална

Хатагтай Им Жи Ён гэх нэрийг Солонгосын үе үеийнхэн андахгүй. Тэрээр 1986 онд Солонгосын мисс шалгаруулах тэмцээнд тэргүүн байр эзэлснээс хойш алдар хүндийн титмээ тайлаагүй, солонгосчуудын анхаарлын төвөөс гараагүй эмэгтэй. Одоо 57 нас хүрч байгаа Им Жи Ён хатагтай 1 метр, 69 см өндөр, 49 кг жинтэй. Гэвч биеийн галбираа огт алдаагүй болохоор реклам сурталчилгаанд их тоглодог, хагас нүцгэн зураг авахуулахаас буцдаггүй. Саяхан нэг залуутай хагас нүцгэн рекламанд тоглосон нь шуугиан тарьсан. Гоолиг биетэйгээрээ гайхуулдаг энэ эмэгтэйг одоо ч сонин телевизүүд их сонирхож, урьж ярилцдаг. Хамгийн их тавигддаг асуулт нь “Биеэ яаж ингэж гоолиг чигээр нь хадгалан үлдсэн бэ?”, үүнийг л хүмүүс их сонирхдог. Харин хатагтай Им Жи Ён “лимон байнга хэрэглэдэг” гэж хариулдаг. Солонгосын гоо сайхны эмч нар Им Жи Ён хатагтайг 55 настай ч гэсэн яг 20 настай бүсгүй шиг арьстай, ямар ч илүүдэл өөх байхгүй, биологийн нас нь 57 ч, бие физиологи нь яг 20 настнууд шиг” гэж үнэлжээ. Им Жи Ён “Өглөө лимон, өдөр лимон, оройн хоолонд лимон, ямар ч хоолны хачирт лимон оруулдаг, уух усандаа ч лимон хийдэг, дээр нь лимонтой усанд ордог. Энэ л миний гоо сайхны нууц, жингээ хэвээр хадгалахад тусалдаг” гэж хариулдаг. Саяхан төрсөн өдрөө тэмдэглэсэн хатагтай Им Жи Ён төрсөн өдрийн бэлгэндээ үнэтэй газар, хаус бэлгэнд авчээ. Түүний араас 20 настай залуус ч хөл алдан гүйдэг.

Солонгост долоо хоног бүр үе үеийн миссүүдийн тухай нэвтрүүлэг гардаг. Энэ үеэр Солонгосын 1986 оны мисс Им Жи Ёнг бие их сайхан авч явдаг гэж байнга магтдаг гэнэ. Харин энэ сайхан эмэгтэйн хувийн амьдрал жаахан бүтэлгүй. Гурван удаа гэрлэсэн ч, бүгд бүтэлгүйтэж удалгүй салсан. Мисс Им Жи Ён хүүхэд төрүүлээгүй, одоо хүртэл ганцаараа амьдардаг. Анхны нөхөр нь япон хүн байсан, нөхөр нь болох япон тэрбумтан эр Ганнам дүүрэгт таван давхар байр авч бэлэглэж, түүнийг баячуудын дээдсийн хүрээнд амьдрах эхлэлийг тавьсан. Одоо Им Жи Ён ихэнх цагаа гоо сайхнаа хадгалж үлдэхэд л зориулдаг. Саяхан тэрээр “Би 80 нас хүрсэн ч гоо сайхнаа энэ хэвээр нь хадгалж, энэ хэвээрээ байхыг боддог” гэж ярилцлага өгчээ. Им Жи Ён гэгч гоо сайхнаараа алдаршсан эрхэмсэг энэ хатагтай үр хүүхэд төрүүлээгүйдээ их шаналдаг гэсэн. 1980-90 онд гоо сайхнаараа гайхуулж Солонгосын номер нэг од байж, түүний тухай үзүүлээгүй телевиз, бичээгүй сонины дугаар байдаггүй байжээ. Солонгосын мисс титмээ хамгаалж, 57 нас хүртэл гоо сайхнаа бардам хадгалж яваа энэ эмэгтэй нэг ч кинонд тоглож үзээгүй. Яагаад гэвэл Ин Жи Ён хатагтай фотогеничный бус, зурган дээр онцгүй гардаг, гэрэл зурган дээр байгаагаасаа хувь илүү сайхан бүсгүй гэгддэг. Солонгосчууд Им Жи Ён хатагтай, “Мөнхийн залуу нас” гэдэг манайхаар бол Топ модель Э.Одгэрэл л гэсэн үг.

 Л.ХАТАН