Японы бэйсболын тамирчин супер од Шохэй Отани гэрлээд удаагүй байгаагаа хэлсэн нь дуулиан болж байв. Тэрбээр эхнэрийнхээ тухай “жирийн япон эмэгтэй”, танилцаад хэдэн жил өнгөрсөн гэхээс өөр мэдээлэл өгөөгүй билээ. Тэгвэл Отанигийн гэргий олон нийтэд ил болжээ. Залуу хосын гэрэл зураг, дүрс бичлэг Отанигийн инстаграмд, мөн түүний тоглодог Los Angeles Dodgers клубийн сошиал хуудсанд нийтлэгджээ.
Бэйсболын одтой гэрлэсэн бүсгүй нь 27 настай сагсан бөмбөгийн тамирчин Мамико Танака байжээ. Тэрбээр 2019-2023 онуудад Японы эмэгтэй сагсан бөмбөгийн Лигийн “Fujitsu Red Wave” багт тоглож байж.
29 настай Отани Los Angeles Dodgers клубтэй 10 жилийн хугацаатай, 700 сая ам.долларын гэрээ байгуулсан нь АНУ-ын бэйсболын лигийн түүхэнд хамгийн өндөр үнэтэй гэрээ болсон. Тэгээд дэлхий нийтэд танил болсон супер од. Тэрбээр энэ сарын 20-нд Өмнөд Солонгосын нийслэл Сөүл хотод San Diego Padres багтай хийх тоглолтод анх удаа багийнхантайгаа талбайд гарах гэж байна.
()
Discussion about this post