Шоу бизнес гэж үнэхээр агуу юм, үнэн юм. Америкийн дуучин Тейлор Свифт дуулсаар яваад дөнгөж 33 насандаа тэрбумтан болжээ. Түүний орлого 1.1 тэрбум ам.долларт хүрсэн байна. Энэ амжилтад хүрэхэд түүний “Eras” аялан тоглолт чухал үүрэг гүйцэтгэсэн. Уг тоглолт дангаараа зарим жижиг улс орны эдийн засагтай тэнцэцхүйц хэмжээний орлого олсон юм. Хамгийн гол нь Тейлор Свифт зөвхөн дуулсаар яваад, дуу хөгжим, тоглолтоороо энэ амжилтад хүрч, тэрбумтан болсон цөөн уран бүтээлчдийн нэг болж чадлаа.
Тейлор Свифтийн энэ онд АНУ-д хийсэн 53 аялан тоглолт улсынхаа ДНБ-д 4.3 тэрбум ам.долларын ашиг оруулжээ. Гэхдээ түүний аялан тоглолт дуусаагүй бөгөөд дахин 89 тоглолт хийх хуваарьтай байна. Мөн энэ тоглолтынхоо үеэр бичсэн тоглолтын кино нээлтийн 7 хоногтоо л 93 сая ам.доллар олов. Тоглолтоос сэдэвлэсэн кино нь Box Office-д ноёрхож байна. Мөн есөн жилийн өмнө гаргасан 1989 цомгийн шинээр бичсэн хувилбар энэ оны хамгийн өндөр борлуулалттай цомог болох хүлээлттэй байна. 
()
Discussion about this post