Өнгөрсөн нэгдүгээр сард ТЕГ-ын ажилтнууд монгол, орос иргэдийн 50 мянган ам.доллар, 2500 еврог дээрэмдсэн гэх хэрэг гарч байсан. Тодруулбал, уг хэргийг ТЕГ-т ажилладаг 1990-1995 онд төрсөн М, Н, Л, Д, Б, Т гэх залуус үйлдсэн хэмээн буруутгагдан шалгагдаж байгаа юм.
Мөрдөн байцаах албаны Тусгай субъектийн үйлдсэн гэмт хэрэг мөрдөх хэлтсийнхэн хэргийг шалгаж дуусаад өнгөрсөн сард прокурорт шилжүүлсэн байна. Харин прокурор дээрх нэр бүхий хүмүүст Эрүүгийн хуулийн 17.2-2, 18.6-1 зааснаар яллах дүгнэлт үйлдэж шүүх рүү шилжүүлжээ. Уг дээрмийн болон мөнгө угаасан гэх хэргийн шүүх хурал өчигдөр Баянзүрх дүүргийн Эрүүгийн хэргийн анхан шатны шүүхэд эхэлсэн. Гэвч шүүх бүрэлдэхүүн шүүгчдэгчийн өмгөөлөгчөө солих хүсэлтийг хүлээн авч хэргийг шинэ оны дараа буюу нэгдүгээр сарын 8-нд хэлэлцэхээр боллоо.
Discussion about this post