БНСУ-ЫН ЖҮЖИГЧИН РЮ СЫН РЁН /RYU SEUNG RYONG/-Г МОНГОЛ УЛСЫН АЯЛАЛ ЖУУЛЧЛАЛЫН ЭЛЧЭЭР ТОМИЛОВ
Монгол Улсын Засгийн газраас 2023 онд “Нэг сая жуулчин” хүлээн авах зорилт тавин ажиллаж байна. Уг ажлын хүрээнд БНСУ-аас 250.000 жуулчин хүлээн авахаар зорьсон ба үүнд дэмжлэг үзүүлэх, Монгол орныг өөрийн оронд сурталчлах үүргийг БНСУ-ын жүжигчин Рю Сын Рён хүлээн авснаар БОАЖ-ын Сайд Бат-Өлзийн Бат-Эрдэнэ Монгол Улсын “Аялал жуулчлалын элч”-ээр томиллоо.
Жүжигчин Рю Сын Рён театрын урлагаас жүжигчний карьераа эхлүүлсэн. Улмаар БНСУ-ын кино, телевизийн хамгийн олон туслах дүр бүтээсэн жүжигчдийн нэг болсон юм. Түүний тоглосон 2013 онд олны хүртээл болсон “7-р өрөөний гайхамшиг” кино нь Солонгосын кино урлагийн бүх цаг үеийн хамгийн их орлого олсон Солонгосын гурав дахь кино болсон. Тэрчлэн 2014 онд тоглосон “Admiral: Roaring Currents” түүхэн кино нь тухайн цаг үедээ хамгийн их ашиг олсон киногоор тодорч байжээ. Мөн тоглосон киног нь 10 сая гаруй хүн үзсэн БНСУ-ын анхны жүжигчин болсон юм. Тэрбээр нийт 36 бүрэн хэмжээний, 12 олон ангит кинонд гол дүрд тогложээ.
()
Discussion about this post