Өнгөрсөн Лхагва гарагт Нью-Йорк дахь урлагийн бүтээлийн дуудлага худалдааны хамгийн том төв дэлгүүр болох Sotheby’s дэлгүүрт 9-р зууны сүүл 10-р зууны эхэн буюу одоогоос 1100 жилийн өмнө үед хамаарах, одоогийн байдлаар хамгийн эртний бөгөөд бүрэн бүтэн Еврей Библийн гар бичмэлийг худалдлаа.
“Codex Sasoon” гэгддэг энэхүү Еврей Библи нь 1989 оноос хойш Швейцарийн санхүүч, цуглуулагч Жаки Сафрагийн эзэмшилд байсан бөгөөд цөөн хэдэн эрдэмтэн үзэж байжээ. “Codex Sasoon”-ыг судлаачид 30-50 сая долларт хүрнэ гэж таамаглаж байсны дагуу 38.1 сая доллар хүрсэн байна.
Энэ Еврей Библи нь арьсан хавтастай, илгэн дээр бичигджээ. Анх АНУ-аас Румынд суугаа Элчин сайд асан Альфред Х.Мосес ANU гэх бүлгийн нэрийн өмнөөс худалдан авч, Тел-Авив дахь Еврейн үндэсний музейд хандивласан байна.
Дуудлага худалдаагаар ингэж их өндөр үнэд хүрсэн нь “Хүн төрөлхтний гол тулгуур, багана болсон Библийн гүн гүнзгий хүч, нөлөө, ач холбогдлыг тусгаж байна” гэж Sotheby’s-ийн мэргэжилтэн Шарон Либерман Минц хэлжээ.
Гэхдээ өмнө нь Sotheby’s дэлгүүрээр 1994 онд Леонардо да Винчигийн “Кодекс Лестер” гэх ном 31 сая доллараар, 2021 онд АНУ-ын Үндсэн хуулийн нэн ховор хуулбар 43 сая доллараар зарагдсан удаатай. Харин энэ “Codex Sasoon” Библийн хувьд түүхэн баримт бичгийн хамгийн өндөр үнэ гэдгээрээ онцлог аж.
https://www.nytimes.com/…/arts/oldest-bible-sothebys.html
https://robbreport.com/…/hebrew-bible-sells-38…/amp/
()
Discussion about this post