Жүжигчин Юү А Ин Сөүл хотын цагдаагийн газрын Хар тамхитай тэмцэх хэлтэст 21 цагийн турш байцаагджээ. Тэрбээр тавдугаар сарын 16-ний өглөөний 09:00 цагаас эхлэн байцаагдаж, 17-ны үүрийн 04:40 цаг хүртэл байцаалт өгсөн байна. Үргэлжлүүлэн бичлэгтэй танилцсан Юү А Ин өглөөний 06:26 цагт Хар тамхитай тэмцэх хэлтсээс гарчээ.
Алдарт жүжигчнийг гарч ирэхийг хүлээж байсан сэтгүүлчид мөрдөн байцаалтын явцын талаар тодруулахыг хүссэн ч тэр уучлалт гуйн, хариулт өгөхөөс татгалзжээ. Солонгос жүжигчин Юү А Ин таван төрлийн мансууруулах бодис хэрэглэсэн хэрэгт буруутгаж буй.
Өнгөрсөн хоёрдугаар сард авсан шинжилгээгээр түүний биеэс дөрвөн төрлийн сэтгэцэд нөлөөлөх бодис илэрсэн. Мөн түүнд zolpidem хэмээх сэтгэцэд нөлөөлөх эмийг эмнэлгийн бус зорилгоор бичиж өгсөн болох нь мөрдөн байцаалтын явцад тогтоогджээ. Ихэвчлэн хааны дүрд тоглодог Солонгосын нэр хүндтэй жүжигчин хар тамхи, сэтгэцэд нөлөөлөх бодис хэрэглэсэн нь нотлогдвол баривчлагдаж, нэр хүндэд нь том хар толбо суух эрсдэлтэй нүүр тулна.
()
Discussion about this post