“Хөгжлийн Банкны зээлийн ахлах мэргэжилтэнд ₮1.2 саяын үнэтэй хэтэвч, үнэртэй ус, оргилуун дарс зэргийг хахуульд өгсөн

“НВЦ” компанид давуу байдал бий болгосны улмаас Хөгжлийн Банканд 51.7 тэрбум төгрөгийн хохирол учруулсан хэргийн талаар прокурор танилцуулав.

Энэ талаар “Яллагдагч Ц.Баатарбилэг нь “НВЦ” компанийн ерөнхий захирлаар ажиллаж байхдаа Хөгжлийн Банкнаас зээл авах ашиг сонирхлын үүднээс Хөгжлийн Банкны төслийн санхүүжилт, зээлийн газрын ахлах мэргэжилтэн, зээлийн удирдлагын хорооны нарийн бичгийн даргад албан тушаалын байдалтай нь холбогдуулан 2017 оны аравдугаар сарын 11-ний орой 19:00 цагийн үед 1,000 ам.доллар, 1,240,000 төгрөгийн үнэ бүхий Montblanc брэндийн хэтэвч, оргилуун дарс, нэг ширхэг үнэртэй ус хахуульд өгсөн.

Мөн Төрийн ордонд нэр бүхий албан тушаалтны өрөөнд 1,240,000 төгрөгийн үнэ бүхий Montblanc брэндийн хэтэвчийг хахуульд өгсөн.

Өөртөө болон “НВЦ” компанид давуу байдал бий болгох зорилгоор УИХ-ын гишүүн Ё.Баатарбилэгт бүрэн эрх, албан тушаалын байдалтай нь холбогдуулан жолоочоороо дамжуулан 2017 оны есдүгээр сарын 19-нд Хангарди ордны хойд талын авто зогсоол дээр бэлэн 246.8 сая төгрөгийн хахууль өгсөн” гэж хэллээ.

()