УИХ-ын гишүүн Д.Өнөрболор Монгол-БНСУ парламентын бүлгийн даргаар томилогджээ

Монгол Улсын Их Хурал дахь Монгол-БНСУ парламентын бүлгийн даргаар УИХ-ын гишүүн Д.Өнөрболор томилогдлоо. УИХ-ын дэд дарга Л.Мөнхбаатар Д.Өнөрболор гишүүнд амжилт хүсэж, тогтоолыг гардуулан өгсөн байна. Д.Өнөрболор гишүүн “Мантууш” нэрээ “Сөүл” Болороо болтол солонгосчуудтай ажиллаж, хэтэвчээ ч чамгүй зузаалсан. Одоо парламентын хүрээнд улс төр, эдийн засаг, соёлын гээд бүх талын хамтын ажиллагааг тэлэх, хоёр улсын найрсаг харилцааг өргөжүүлэхэд анхаарч ажиллах биз ээ. Солонгос хэлтэй, соёл, бизнесийн орчин, хүмүүн хоорондын харилцааг хамгийн сайн мэдэх хүн бодлого гаргах түвшинд очиж байна. Өмнөд Солонгост Монголын хамгийн олон хүн хууль ёсоор болон хараар ажилладаг. Тиймээс анхаарал тавьж хүч гарган ажиллах биз ээ…