“Backstreet boys” хамтлагийнхантай хамт 1990-ээд оны үед дэлхий дахинд алдаршиж байсан дуучин, рэппер Аарон Картер 34 насандаа насан эцэсэлжээ. Тэрээр “Backstreet Boys” хамтлагийн гишүүн Ник Картерын төрсөн дүү байсан юм.
Дуучны цогцсыг Калифорни мужийн Ланкастер дахь гэрийнх нь угаалгын өрөөнөөс олсон тухай TMZ сайт мэдээлжээ. Энэ мэдээллийг Аарон Картерын хэвлэлийн төлөөлөгч баталж, “Яг одоо бидэнд маш хүнд цаг үе ирээд байна. Юу болж өнгөрсөн, үхлийн шалтгаан юу байсныг тогтоохыг хичээж байна” гэж мэдэгджээ.
Дөнгөж 9 настайдаа анхны цомгоо гаргаж байсан Картер 1990-ээд оны төгсгөл, 2000-аад оны эхээр нийтдээ 4 цомог гаргаж, олон сая хувийг борлуулсан юм.
Ид алдаршиж байхдаа тэрбээр “Backstreet Boys” хамтлаг болон поп од Бритни Спирсийн аялан тоглолтод оролцдог байв.
Насанд хүрснийхээ дараа Картер рэппер болж, Бродвэйн шоу, Америкийн “Ододтой бүжиглэе” шоу зэрэгт оролцож байсан юм.
Сүүлийн жилүүдэд түүний амьдрал зовлон бэрхшээлээр дүүрэн байсан. Аарон Картер 2013 онд олон саяын өрөнд орсны улмаас дампуурлаа зарлаж байв. Мансууруулах бодис хэрэглэсэн, замын хөдөлгөөний дүрэм зөрчсөн зэрэг хэд хэдэн асуудалд холбогдож, зарим одын дайрдаг замын дайрч байжээ.
Саяхан тэр хэвлэлд ярилцлага өгөхдөө “Би зарим хүмүүсийн төсөөлж байгаагаас өөр хүн болсон. Хэрвээ намайг сүйрсэн галт тэрэгтэй зүйрлэж байгаа бол би аль хэдийнээ олон удаа онхолдож, олон удаа замаасаа гарсан галт тэрэг болсон” гэж байв.
Картерийнхан ах дүү тавуул. Backstreet Boys хамтлагийн Ник Картер болон ихэр эгчтэй. Түүний нэг эгч Лесли 2012 онд 25 настайдаа хар тамхи хэтрүүлэн хэрэглэсний улмаас нас баржээ. Хүүхэд насннаасаа од болж, 9 насандаа Рекорд студитай гэрээ байгуулж, Хилари Дафф зэрэг алдартай сайхан бүсгүйчүүдтэй болзож явсан Аарон Картер 34 насандаа таалал төгслөө.
()
Discussion about this post