МИАТ-ийн захирал асан Ч.Хоролсүрэн болон түүний эхнэр Одгэрэл нар есдүгээр сарын 11-нд Турк улс руу өөрсдийн байгуулсан авиа компанийн ажилтнуудаа сургалтаар авч явсан бөгөөд есдүгээр сарын 15-ны оройн 20:00 цаг орчимд Б.Одгэрэл нэгэн эмэгтэй ажилтнаа өрөөнд нь зэрлэгээр зодож, гэмтэл учруулжээ. Тэр үед Б.Одгэрэлээс гадна гурван хүн байсан бөгөөд тодорхой шалтгаан хэлэлгүйгээр зодож эрүүл мэнд, гоо сайхнаар нь хохироожээ. Хохирогчийн нүүр хэсэг маш их гэмтэж, шархалсан бөгөөд биеийн байдал нь зовуурьтай, нуруу бөөр нь гэмтсэн байгаа гэнэ. Цагдаагийн байгууллагад хандсаны дараа шүүх шинжилгээнд орсон байна.
Энэ хэргийг Турк улсын цагдаагийн байгууллага шалгаж байгаа бөгөөд хохирогчийн гэр бүл Консулын газарт хандсанаар Ч.Хоролсүрэнгийн эхнэр Б.Одгэрэлийг хилээс гарахыг хоригложээ.
20 гаруйхан настай эрүүл саруул Турк улсыг ажлаар зорьсон эмэгтэй ийнхүү бие болон сэтгэлийн шарх, айдастайгаар тус улсад эх орондоо буцан ирэхээр хүлээж буй юм.
МИАТ-ийн захирал асан Ч.Хоролсүрэнгийн хувьд “Дайны эрсдэлийн сан” гэх нэрийдлээр зохиомол даатгалын компаниуд руу мөнгө шилжүүлж, мөнгө завшиж, угаасан хэргээр 13 жилийн ял авч байсан. Түүнчлэн гаалийн татвараа төлөлгүйгээр онгоц оруулах гэж байсан ч гэдэг. 13 жилийн ял авч байсан ч хэдхэн жилийн дараа суллагдсан, хүү нь “Киви”-гийн Агийг булаацалдан бусадтай зодолдсон, буу хэрэглэн, танхайрч байсан гэж бичигдэж байсан олны эчнээ танил гэр бүл.
Ч.Хоролсүрэн одоо Монголиан Эйрвэйс авиа компанийн гүйцэтгэх захирлаар ажиллаж байгаа билээ. Харин Ч.Хоролсүрэнгийн залуу эхнэр Б.Одгэрэл дөнгөж 30 нас шүргэж яваа цэл залуухан бүсгүй, Хоролсүрэнгийн “хэвлэлийн баатар” хүүтэй насаар бараг чацуу шахам гэлцдэг.
Discussion about this post