Хатан хааныг нас барсны дараа хань нөхөр, хаан Чарльзтай хамт Лондон руу буцах замдаа Камилла гунигтай, нүдэндээ нулимстай явсныг гэрэл зурагт буулгажээ. Диана гүнжтэй гэрлэхээс ч өмнө хунтайжтай дотно харилцаатай байсан. Харин Камилла 2005 онд 58 насандаа хунтайж Чарльзтай албан ёсоор гэрлэж хааны ам бүлд багтах болсон. Дианагаас ялгаатай нь Камила хадам ээж буюу Хатан хаантай тун ойр дотно, сайн харилцаатай байсан.
Хунтайж Чарльз нэн даруй хаан болсон бөгөөд Ерөнхий сайд Лиз Трасстай уулзахаас эхлээд хааны үүргээ гүйцэтгэх болно. Мөн телевизээр ард түмэндээ хандаж үг хэлэх болно.
Хатан хаан нас барсныг зарласан мэдэгдэлд Хатан хааны хүслийн дагуу Камиллаг хааны хатан болно хэмээн зарлажээ.
Хатан хаан хаан ширээнд заларсны Платинум ойн үеэрээ Камиллаг хаан ширээнд залрах үед нь хүүгийнхээ хажууд байхыг хүсч байгаагаа ил илэрхийлсэн.
Тэрээр хэлэхдээ “Намайг Хатан хаан байхад Хунтайж Филипп ханхүүгийн үүргийг гүйцэтгэж, бүхнээ харамгүй золиослоход бэлэн, тийм сайн хамтрагчтай байсан нь би ерөөлтэй байсан. Энэ үед би эцгийнхээ хаанчлалын үед ээжийнхээ хийж байсан дүрийг түүнээсээ харсан юм…
Би та бүхний дэмжлэгт баярлалаа гэж хэлмээр байна. Та бүхний надад өгч буй үнэнч, энэрэл хайрын төлөө би үүрд талархаж байдаг…Цаг хугацааны дараа миний хүү Чарльз хаан болмогц түүнд болон түүний эхнэр Камилла нь хунтайж Филипп надад үзүүлсэн дэмжлэгийг өгнө гэдгийг би мэдэж байна; Тэр цаг нь ирэхэд Камилла ийм дэмжлэг үзүүлэхийг чин сэтгэлээсээ хүсч байна” гэсэн юм.
Үүний дараахан Хатан хааны гэр бүлийн вэбсайтад Камиллагийн
шинэ үүргийг тусгаж шинэчилсэн.
Хаан Чарльзыг хаан болоход Корнуэлын гүнгийн авхай хатан болно.
Discussion about this post