5.1.Хуульд тусгайлан заагаагүй бол төрийн тусгай чиг үүрэг хэрэгжүүлдэг Засгийн газрын агентлаг, Засгийн газрын ажлын алба, Улсын Их Хуралд ажлаа шууд хариуцан тайлагнадаг байгууллага, эмнэлэг, төрийн өмчийн оролцоотой нээлттэй хувьцаат компаниас бусад этгээд тэргүүн дэд, дэд, орлогч даргатай байхыг хориглоно гэсэн юм.
Энэ хууль хэрэгжсэнээр удирдлагын зардлыг 20 гаруй хувиар хэмнэж, 1500 гаруй орон тоог эргэж сэргээхгүйгээр хассан байна. Төсвийг нэг удаа танаад орхих биш, хэмнэлтийн тусгайлсан хуультай болж, цаашид төрийн байгууллагууд цомхон бүтцээр бүтээмж өндөртэй ажиллах сайн тогтолцоонд шилжих алхмыг хийлээ гэж хэлж болох юм. Удирдлагын бүтэц хэт том, өөрөөр хэлбэл, хэрэгцээ шаардлагагүй удирдах албан тушаалтнуудын олон орон тоог цөөлөхөөр болсон бөгөөд хэмнэлтийн хуулиар 270 орчим дэд дарга, орлогч дарга, зөвлөх, дэд захирал гэсэн албан тушаалууд төрийн тусгай албанаас бусад байгууллагуудад байхгүй болж байна. Тэдгээрийн цалингийн санг улсын төсөв болон байгууллагын санд буцаан татахаар болсон билээ. Төрийн хэмнэлтийн тухай хууль хэрэгжиж эхэлсэнээр 270 гаруй дарга нарын орон тоог бүрмөсөн чөлөөлж, төсвийн зардлыг 1,3 тэрбумаар хэмнэх юм байна. Энэ мэтээр төсөв хэмнэж, “хонгилын үзүүрт гэрэл харагдаж” байна.
Discussion about this post