Оросын 57 настай иргэн гадны нөлөөгүй нас барсан

Орос улсын иргэн гадны нөлөөтэй нас барсан байж болзошгүй хэрэг цагдаагийн байгууллагад хоёрдугаар сарын 2-ны өдөр бүртгэгджээ. Энэ талаар Цагдаагийн ерөнхий газраас тодруулахад “Баянзүрх дүүргийн тавдугаар хорооны нутаг дэвсгэрт хоёрдугаар сарын 2-нд …дугаар тоотод Орос улсын иргэн нас барсан гэх дуудлага мэдээлэл ирсэн. Хэргийг шалгахад 57 настай эрэгтэй, ил харагдах шархгүй, эрүүл мэндийн шалтгаанаар нас барсан байсан. Талийгаач гаднын нөлөөгүй нас барсныг тогтоосон” гэв.