“Хөөрхөн төрөх албагүй” хэмээх нэрээр монголчуудад хүрсэн олон ангит киноны Катя Пушкаревагийн дүрд тоглосон жүжигчин бүсгүй Нелли Уварова 41 настай. Литва гаралтай жүжигчин тэрбээр “Хөөрхөн төрөх албагүй” киноны Пушкаревагийн дүрээр ОХУ даяар алдаршсан. “Пушкарева” 2005 онд анх гэрлэсэн. Харамсалтай нь дөрвөн жил хамт амьдраад хүүхэд гараагүй учир анхны нөхөр найруулагч Сергей Пикаловоос салсан.
Харин жүжигчин Александр Гришинтэй ханилж, хоёр хүүхэдтэй болсон билээ. Том охин Ия нь 2011 онд төрсөн бол таван жилийн дараа хүү Игнатий нь төржээ. Гэхдээ жүжигчин гурван хүүхэдтэй гэж тооцдог. А.Гришиний өмнөх гэрлэлтээс үлдсэн хүү нь ээжтэйгээ амьдардаг ч аавтайгаа сайн харилцаатай, гэрт нь байнга ирж, хоёр дүүтэйгээ хамт байх дуртай тул ингэж боддог гэнэ.
2005 онд “Хөөрхөн төрөх албагүй” кинонд тоглосноос хойш өнгөрсөн хугацаанд 35 кино, жүжигт дүр бүтээсэн бөгөөд өдгөө энд, тэндхийн театрт уригдан тоглодог болжээ.
Discussion about this post