Супер модел Наоми Кэмпбелл есөн сартай охиныхоо зургийг анх удаа олон нийтэд үзүүллээ. Тэгэхдээ аргагүй л дэлхий даяар нэрд загвар өмсөгч болохоор тэр бяцхан охиныг анх удаагаа Британийн Vogue сэтгүүлийн нүүрнээс харав!
Өдгөө 50 настай Английн супер модель Наоми Кэмпбелл өнгөрсөн 5 дугаар инстаграм хуудастаа охинтой болсноо зарласан юм. Тэрбээр зургийнхаа тайлбар хэсэгт, “Бяцхан сахиусан тэнгэр намайг ээжээрээ сонгон ирлээ. Бид хоёрын амьдралд үргэлжлэх нандин холбоог үгээр илэрхийлэн тайлбарлах аргагүй. Үүнээс төгс хайр байхгүй” хэмээн бичсэн билээ.
Кэмпбеллийн ээж болох Валери Моррис Кэмпбелл инстаграмдаа “Би эмээ болохыг удаан хүлээсэн тул сэтгэл маш их хөдөлж байна” гэжээ.
Тэрбээр ахлах сургуульдаа сурч байх үедээ “Vogue” сэтгүүлийн нүүрэнд гарсан анхны хар арьст британийн загвар өмсөгч болжээ. Боксчин Майк Тайсон, Оросын тэрбумтан Владислав Дронин, Монакагийн ханхүү Алберт зэрэг нөлөө бүхий эрчүүдтэй болзож явсан ч Ноами Кемпбел албан ёсоор гэрлээгүй.
Discussion about this post