Сонгинохайрхан дүүргийн Био комбинат орчимд байрлах 40-р байрны гаднаас бага насны хүүхэд алга болсон гэх дуудлага мэдээлэл цагдаагийн байгууллагад ирсэн байна. Тодруулбал, долоон настай М охиныг 13:00 цагийн үед байрных нь гаднаас 25-30 орчим насны үл таних эмэгтэй хүн дагуулан авч явсан байна. Охиныг оройн 20:00 цагийн үед иргэдийн өгсөн мэдээллийн дагуу өөр дүүргээс эсэн мэнд олжээ.
Долоон настай охиныг хууран мэхэлж, дагуулж явсан этгээдийг баривчилжээ. Тодруулбал, “ХУД-ийн 12-р хорооны нутаг дэвсгэрээс 7 настай охиныг зүс таних эмэгтэй дагуулж явсан, сураггүй байна гэх дуудлага энэ сарын 05-ны өдрийн 18.20 цагт Цагдаагийн байгууллагад иржээ. Дуудлагын дагуу шалгалтын ажиллагаа хийхэд хийхэд 7 настай, эмэгтэй М-ийг төрсөн ээжийнх нь найз болох 28 настай, эмэгтэй С.А гэгч нь “хамт тоглоомын талбайд тоглоё” гэж худал хэлж, гэрээс нь гарган, улмаар түүнийг авч явсан нь тогтоогдсон байна. Тухайн үед хүүхэд гэртээ өвөөгийнхөө хамт байсан бөгөөд охиных нь найз ирсэн тул хүүхдийг өгч гаргасан гэж өвөө нь мэдүүлжээ. Хэрэгт холбогдогчийг 6-ны өдөр Чингэлтэй дүүргийн Салхит орчмоос баривчилсан.
Хүүхдийг ар гэрийнхэнд нь хүлээлгэн өгч, гэмтлийн зэрэг тогтоолгохоор Шүүх шинжилгээний үндэсний төвд шинжээч томилон, хамтарсан багаар ажиллаж байна” гэж ЦЕГ-аас мэдээллээ.
Discussion about this post