“Гурван марал” группын захирал Ч.Мөнхтөр амьдралын хатуу хөтүүг үзсэн, “Нарантуул” захад наймаа хийж, бизнесээ алдан гудамжинд гарч, эргээд томоохон групп үүсгэн байгуулж, хөл дээр нь бат зогсоосон хүн. Тиймээс байх байхгүйн зовлонг маш сайн мэднэ. Ч.Мөнхтөр 5 сая төгрөг гаргаж, чат бичсэн хэцүү амьдралтай хүнд хүнс хандивлахаар шийдсэн. Гэтэл 800 гаруй хүнээс хүсэлт ирснээс шалтгаалж, хандивын мөнгөө хоёр дахин өсгөж, 10 сая болгоод 143 өрхөл хандивлахаар шийдсэнээ зарлажээ. Тэрбээр энэ тухайгаа
“Оройн мэнд. Пост оруулснаас хойш 7 цаг өнгөрч чат руу 800 гаруй хүсэлт ирлээ.Нийгмийн байдал хүнд байгаа нь мэдрэгдэж байна.Засгийн газар хүмүүст хоол хүнс,түлээ түлш,эм тариа цаашлаад өр зээлийнх нь асуудал дээр шийдвэртэй арга хэмжээ авахгүй бол эхний өдрөөс хүмүүс яахаа мэдэхгүй балмагдаж байх шиг байна. Өчүүхэн иргэн би бээр өөрт хуримтлагдсан багахан санхүүгээс хуваалцъя гэж зорьсон ч 5.000.000÷800 өрх гэж тооцохоор нэг айлд 6.250 төгрөг ноогдож байна. Иймхэн мөнгө нэг айлд нэмэр болно гэж үү? Өгсөнөөс өгөөгүй нь дээр ч юм шиг. Гэхдээ далайд дусал нэмэр гэж би хадгалж байсан 10.000.000 төгрөгөө нэг өрхөд 70.000 төгрөгөөр тооцож 143 өрхөд хандивлахаар шийдлээ. Авч чадаагүй нь надад гомдох хэрэггүй ээ. Та нарын хүүхэд миний хүүхдүүдтэй адилхан учраас би хэзээ ч хуваалцахад бэлэн байна.Цаашид нийгэмд болж бүтэж яваа олон сайхан хүмүүс та бүхэнд туслана гэдэгт итгэж уриалж байна.Засгийн газар асуудлыг шийдэхийн төлөө өдөр шөнөгүй ажиллаж байгаа гэдэгт итгэж байна.Уриалж байна.Уншигч та аль болохоор нийгиийн боломжтой хэсэг рүү, засгийн газар луу түгээгээд өгөөрэй. Аюулыг нэгэн гэр бүл шиг ЦУЛ байж давна.
Хүндэтгэсэн:иргэн Ч.Мөнхтөр” гэжээ.
Discussion about this post