Их Британийн ханхүү Уильям дүү Харригийнхаа хуримын үеэр их бухимдаж, түүний ирээдүйд санаа зовж байжээ. Энэ тухай биеийн хэл судлаачид судлан тайлбарлажээ.
Ханхүү Харри 34 насанда өөрөөсөө гурван насаар эгч, нөхрөөсөө салсан америк жүжигчин бүсгүйтэй гэрлэхэд дэлхий даяараа тэднийг хайр дурлалыг сонирхсон юм. Ээжээсээ эрт хагацсан Харри эгчмэд жүжигчин бүсгүйд амархан автаж, нэг жилийн дотор гэрлэсэн. Одоо хааны гэр бүлээс тусдаа Америкт амьдарч байгаа нь эхнэрийнх нь нөлөө гэж болно.
ТБиеийн хэл судлаачид ханхүү Уильям дүүгийнхээ хуриман дээр биеэ хэрхэн авч явсныг нь дүгнэжээ. Биеийн хэл судлаач Хесус Энрике Росас Уильямыг Харригийн хуримын үеэр сэтгэл зовниж, бухимдсан байсан гэж дүгнэж буйгаа хэлээд “Кембрижийн гүнгийн биеэ авч яваа байдал нь олон хүн түүнийг ажиглаж байгаагаас болж сандарсан зүйл огт биш. Тэр багаасаа олны хараанд ил өссөн, хаана ч биеэ авч явж чадна. Ухаалаг Уильям дүүгийнх нь амьдрал бартаатай байх болно гэдгийг мэдэж байсан. Биеийн хэлэмжээрээ тэр энэ бүгдийг нууж чадаагүй” гэж онцолжээ.
Биеийн хэл судлаачийн хэлж буйгаар ханхүү Уильям дүүтэйгээ хамт хуримын ёслол болох сүм рүү орохдоо хөдөлгөөн нь хязгаарлагдаж, толгой нь үргэлж доошилж, гар нь чангарч, суларч байжээ.
Ах, дүүс зэрэгцэн суух үеэр Уильям өөр тийшээ харж, эрүүгээ чангалсан бөгөөд заримдаа толгойгоо хөдөлгөхгүй ч нэг нүдээрээ Харри руу харж байжээ. Хэрвээ хүн хажуу тийшээ харахын тулд зөвхөн нүдээ ашиглаж байвал энэ нь бухимдал, тухгүй байдал болон бусдын анхаарлыг өөр рүүгээ татахгүй байхыг хичээсний маш тодорхой шинж байдаг гэж биеийн хэл судлаач Хесус Энрике Росас ярьсан байна.
Ханхүү Уильям мөн уруулаа жимийж, шүлсээ хүчтэй залгиж байсан нь түгшсэний шинж тэмдэг гэж биеийн хэл судлаач өгүүлсэн талаар Росаса Express-д мэдээлжээ.
Харри, Меган хоёр Англиас явахаар шийдэхэд ханхүү Уильямын нөлөө их байсан талаар шинжээчид бичдэг. Уильям тэднийг хатан хааны ордны эрх, үүргээсээ татгалзахад хүргэсэн байж магадгүй аж.
Ханхүү Уильям бүх зүйлээрээ дүүгээсээ ялгардаг билээ. Тэрбээр Кейт Миддлтонтой гэрлэхээсээ өмнө олон жил үерхэж, түүнийг удаан хугацаанд ордны дэг жаягт сургасан бөгөөд Кейт ч британичуудын хайрыг хурдан татсан.
Уильям дүүдээ яаран хуримаа хийхгүй байхыг зөвлөж байжээ. Тэрбээр Мегантай амьдрахад амаргүй гэдгийг мэдэж байжээ. Харин Харри ахыгаа сонсоогүй байна. Тэр эхнэрээ бүхий л таагүй яриа, шүүмжлэлээс хамгаалж, угсаа язгуурт гэр бүл, хэргэмээсээ ч татгалзаж чадахаа харуулсан билээ.
Discussion about this post