Оозүмо (Их сүмо) хэмээх мэргэжлийн сүмогийн түүхэнд байгаагүй олон рекордын эзэн, сүмод 45 удаа түрүүлсэн ёкозүна Хакүхо М.Даваажаргал баруун өвдөгний бэртлийн улмаас цаашид барилдахад хүндрэлтэй болсон тул зодог тайлахаар шийдвэрлэсэн байна. Хакухо 1985 онд төрсөн. 36 настай аваргын баруун өвдөгний бэртэл гүйцэд эдгэхгүй байгаа учир ийм шийдвэр гаргаж байгаа аж. Хакухо Даваажаргал энэ жил Нагоя башёд л бүрэн барилдаж, 15 даваатай нэг ч унаагүй түрүүлж, 45 дахь түрүүгээ хүртэн өөрийн тогтоосон дээд амжилтаа шинэчилсэн юм. Хакухо 2019 онд Японы иргэн болж байв. Хакухо анх 2007 онд ёкозүна цол хүртэж, дээд макүүчи зиндаанд нийт 45 түрүү хүртэж, 1187 даваа авч 14 жилийн турш Японы мэргэжлийн сүмог эзэгнэсэн хүчтэн. 
Discussion about this post