Улсын баяр наадмын үеэр суулт хийсэн эмч нарын төлөөлөлтэй уулзах үедээ: Ерөнхий сайд Л.Оюун-Эрдэнэ “Энэ удаа би ТУЙЛЫН ЭЕЛДЭГ байна! ТУЙЛЫН ЭЕЛДЭГ ШҮҮ! Би Монголын хамгийн их мэдээлэлтэй хүн. Цаашлаад дахин ийм зохион байгуулалттай үйл ажиллагаа хийвэл Би ЕРӨНХИЙ САЙДЫН ЭРХ МЭДЛЭЭ хэрэгжүүлнэ” хэмээн сүрдүүлэн заналхийлж билээ. Цалингаа нэмүүлэхээр суулт зарласан эмч нарын ард өмнөх засгийн газарт байсан эмэгтэй сайд бий гээд өнгөрсөн.
Саяхан Ерөнхий сайд Л.Оюун-Эрдэнэ БОАЖ-ын сайд асан Д.Оюунхоролыг Д.Оюунхоролыг Хөшигийн хөндийн нисэх онгоцны буудлыг бүтээн босголтын асуудал хариуцсан Засгийн газрын Бүрэн эрхт төлөөлөгчөөр томилсон. Энэ нь НАМЭХ-ны “хатан эх”Д.Сарангэрэлын эсрэг авч буй хориг арга хэмжээ гэлцэх. Унасан хүн ууртай гэгчээр Д.Сарангэрэл гишүүн Л.Оюун-Эрдэнийн танхимын эсрэг ажиллаваас эмэгтэйчүүдийн өмнөөс хамгаалах хүн нь Д.Оюунхорол болох биз ээ. Угаасаа Д.Сарангэрэл, Д.Оюунхорол хоёр таарамжгүй, намынхаа хурал дээр зад хэрэлдсэн нь хэвлэлээр гарч байсан билээ. “60 тэрбум”-ын бүлэг унах хүртэл Д.Оюунхорол МАН-ын эмэгтэйчүүдийн байгууллага дотроо хамгийн хүчтэй нь байсан. Харин У.Хүрэлсүхийн танхимын үед хамгийн хүчирхэг нь Д.Сарангэрэл байж, юм болгон дээр “саагиж хүүгиж” явсан эмэгтэй Хүрэлсүх шахуу хүн байсан юм. “Корона”-гийн эхэн үед тодорсон, чамгүй мөнгө үрсэн гэгддэг Д.Сарангэрэл УИХ-ын дарга Г.Занданшатар “Хатан эрдэнэ” өргөмжлөл хүртэл өгч байх вэ.
Одоо Л.Оюун-Эрдэнэ “60 тэрбум”-ын бүлгийг ч багтаа оруулж, эхийг нь эцээхгүй тугалыг нь тураахгүй явж, огцорно гэсэн яриа яваад байгаа танхимаа хамгаалах бололтой.
Discussion about this post