УИХ-ын гишүүн асан Д.Оюунхоролыг “Буцалгаад шөл гарахгүй, буурал болсон ч ухаан суухгүй” гэж чамлаж байна. Ард иргэдийн дунд ямар хэмжээний нэр хүндтэй, мэдлэг боловсролтой вэ гэдэг нь албан тушаалд томилогдсон Д.Оюунхоролыг эсэргүүцэж байгаа ард олны сэтгэгдлээс харж болно. Ерөнхий сайд Л.Оюун-Эрдэнэ түүнийг шинэ албан тушаалд томилсон нь олон хүний дургуйцлыг төрүүлсэн байх юм. Шинэ нисэх буудал шинэ технологи, шинэ менежмент, шинэ бодлого хэрэгтэй болохоос албан тушаал нэхсэн авгай нарын цай уух, унтах газар, очдог буудал биш байлтай хэмээн шүүмжилж байна. Хатуухан хэлэхэд энэ авгай улс төрийн томилгоогоор төрийн удирдах албыг 30 жил хашин суув.
Цэл залуухан Ерөнхий сайд Л.Оюун-Эрдэнэ шонхор, самар, Кувейтийн ам… авлига, албан тушаалын хэрэгт нэр холбогдож байсан УИХ-ын гишүүн асан Д.Оюунхоролыг Хөшигийн хөндийн бүтээн байгуулалтын БҮРЭН ЭРХТ ТӨЛӨӨЛӨГЧ-өөр томилжээ. Хажуугаар нь УИХ-ын гишүүн асан Н.Амарзаяаг Өмнөговь аймгийн Гашуунсухайт хилийн боомтын БҮРЭН ЭРХТ захиргааны дэд дарга гэгч албан тушаалд томилжээ. УИХ-д дөрвөн жил Өмнөговийг төлөөлөн суусан Н.Амарзаяа бохь зажилж, сөргөөр хүнд танигдсанаас өөрөөр хийж бүтээсэн зүйл маруухан. Гашуунсухайтын боомтоор нүүрс экспортлох компаниуд түүнээс зөвшөөрөл, квот авдаг юм байх. Цагтаа дээрхи 2 эмэгтэй Л.Оюун-Эрдэнийн үзэн ядаж, суудлаас нь ховх татаж байсан Миеэ.Энхболдын фракцид хүчин зүтгэж явсан юм. Мөнхийн эрх ашиг л байхаас мөнхийн дайсан гэж байдаггүй гэж. МАН-ын хувьд залуу хөгшин, зоригтой, хурандаа хэн ч дарга, Ерөнхий сайд болоод нэмэргүй, чөтгөрийн тойрогт нэгэнт оржээ.
Discussion about this post