АНУ-ын зүгээс Афганистаны Төв банкинд хамаарах 9.5 тэрбум ам.долларын хөрөнгийг царцаах арга хэмжээ авснаа зарлалаа. Мөн Афганистан руу бэлэн мөнгө тээвэрлэх ажлыг зогсоожээ. Энэ нь Талибаны тэргүүлж буй Засгийн газар эдгээр хөрөнгийг ашиглахгүй байх арга хэмжээг авсан гэсэн үг. Талибан бүлэглэл нь АНУ-ын Сангийн яамны хоригийн жагсаалтад байдаг аж.
Талибан бүлэглэл уучлал хүсээд, өмнөх алдаагаа давтахгүй, олон талын оролцоог хангасан Засгийн газрыг байгуулах амлалт өгөөд байна. Мөн эмэгтэйчүүдийн эрхийг хамгаална гэдгээ мэдэгдсэн юм. Одоогоор Афганистанаас нэг цаг болгонд нэг нислэг хийх замаар өдөрт 5000-9000 иргэнийг тээвэрлэн гаргахыг зорьж байгааг АНУ-ын тал мэдэгджээ.
Discussion about this post