Хөвсгөл аймгийн Тариалан сум дахь Цагдаагийн тасгийн дарга, цагдаагийн хошууч Б.Алтанцог, цагдаагийн дэд ахлагч Н.Баяндалай нар Алаг-Эрдэнэ сумын 2 дугаар багийн нутаг “Мярсын цохионы өвөр” гэх газраас энэ оны 07 дугаар сарын 28-наас 29-нд шилжих шөнө 43 тооны үхэр хулгайд алдагдсан хэрэг гарсныг илрүүлжээ. Ингэхдээ энэ оны 08 сарын 10-ны өдөр Улаанбаатар хотын “Эмээлт” мал, мах түүхий эдийн зах дээр 11 тооны сарлагийн шарыг зарах гэж байх үед нь гэмт этгээдүүдийг олж тогтоон баривчилжээ. Мөн үлдсэн 20 тооны үхрийг Хөвсгөл аймгийн Тариалан сумын 2-р багийн нутаг Нарангийн гол гэх газар нууж, ууланд хариулж байсныг олж эзэнд нь хүлээлгэн өгчсөн байна.
Discussion about this post