Зохиолч Б.Шүүдэрцэцэгийн үүсгэн байгуулсан “Шүүдэр” продакшн хоёр дахь түүхэн сэдэвт кино төсөл “Хотулун гүнж” УСК анхны тизерээ цацлаа. Монголын төдийгүй Өрнө дорны түүхэнд мөнхөрсөн бөх гүнж Хотулуны дүрд жүжигчин М.Цэрэндолгор тоглож байгаа аж.
М.Цэрэндолгор ОХУ-д Театр урлагийн дээд сургуулийг /ГИТИС/ жүжигчний мэргэжлээр төгссөн. М.Цэрэндолгор өнгөрсөн хавар ээж болсон, зургаан сартай хүүтэй. Гэсэн ч морь унасан эрэмгий гүнжийн дүрийг бүтээж эхэлжээ. “Хотулун гүнж” киноны ерөнхий найруулагчаар С.Баасанжаргал, ерөнхий зураглаачаар Г.Бат-Ирээдүй, ерөнхий зураачаар Л.Батбилэг ажиллаж байна.
“Хотулун гүнж” УСК нь нээлтээсээ жилийн өмнө тизер нь цацагдаж буйгаараа онцлог юм. Тизерийн хөгжмийг Г.Даваахүү бичсэн агаад, кино “Монгол мохошгүй” гэсэн уриатай ажээ.
Discussion about this post