Загвар өмсөгч, жүжигчин Д.Пүрэвсүрэн одоо иогийн багш болсон. Түүнийг анх иогаар хичээллэхэд “А” үсгийг нь заасан гэж болох иогийн багш Нараа “Би Пүүжээг дахин бүтээсэн” гэж ам бардам хэлсэн байдаг. Иогийн багш Нараа өөрийгөө 20 гаруйхан насандаа 90 кг дөхсөн жинтэй байсан, оюутан үедээ иогаар хичээллээд эдүгээгийн өөрийгөө олж авсан гэдэг. Зарим нь “Энэ Нараа угаасаа уран нугараач хүн, түүнийг дууриаж байж хэцүүдэв” гэх хар пиар ч явдаг. Угаасаа юм хийж байгаа хүнийг хэл ам дагадаг хойно.
Иогийн багш Нараа анх Пүүжээтэй өөрөө хөл хүнд, Пүүжээ 3 дахь үрээ өлгийдөөд дөнгөж 2-3 сар болж байхад танилцжээ. Тэр үед багш шавь, цаашлаад дотны сайн найзууд болсон гэдэг. Одоо Пүүжээ йогийн багш. Пүүжээ жирэмсний иога зааж багшлах юмсан битүүхэн бодож явдаг байсан нь биелж, Нараа иогад жирэмсэн эмэгтэйчүүдийн ангид 2 сар гаруй иога орсон билээ. Пүүжээгийн иогийн багш Нараагийн үнэлэмж өсөж, өөрөө ч өдрөөс өдөрт уян хатан, эрүүл чийрэг, залуу насаар хадгалсаар байгаа нь илт. 
Discussion about this post