Дэлхийг Монгол тэмээгээр тойрно хэмээн монголчуудын танил болсон Н.Байгалмаа бүсгүй өнгөрсөн 5 дугаар сарын 15-ны шөнө эмгэнэл харамсалтайгаар амиа алдсан. Энэ аймшигт явдал гараад хоёр сар гаруй хугацаа өнгөрсөн ч ойр дотны хүн, тэр тусмаа хадам ээжийнх нь зүгээс хэл ам гаргасаар буй. Талийгаач бүсгүйн хадам ээж, иргэн Э.Цэрэндолгор өөрийн цахим хуудастаа талийгаачийг амиа алдах үедээ ганцаараа бус иргэн Э гэх хүнтэй хамт амиа алдсан, урд өдөр нь маш их архидалт болсон хэмээх зүйлсийг эх сурвалжаараа дамжуулан мэдсэн тухайгаа олон нийтийн сүлжээнд лайв хийсэн билээ. Үүнийг ЦЕГ-ын Хэвлэл мэдээллийн төвийн дарга, цагдаагийн хурандаа Б.Баатархүү үгүйсгэсэн. Тэгвэл уг асуудлаар талийгаачийн ээж Ж.Норжмаа, охиныг нь гүтгэж, нэр хүндэд нь халдсан үндэслэлээр иргэн Э.Цэрэндолгорыг шүүхэд өгсөн байна.
Discussion about this post