АНУ-аас Токио руу нийт 613 тамирчнаа илгээхээр болсон нь энэ олимпийн хамгийн том багт тооцогдож байна. Гэхдээ тус улсын хувьд энэ нь хоёр дахь дээд амжилт юм. Өмнө нь тэд 1996 онд нутагтаа зохиогдсон олимпод 646 тамирчин оруулж байжээ.
Америкийн шигшээд багтсан тамирчдын 193 нь өмнө нь олимпийн наадамд оролцож байсан аж. Долоо дахь олимпдоо өрсөлдөх морин спортын тамирчин Ф.Даттон хамгийн туршлагатай нь. Америкчууд өмнөх Риогийн олимпод 554 тамирчинтай оролцож, нийт 121 медаль хүртсэн амжилтаар багийн дүнгээр тэргүүлж байв. Тэрбумтай хүнтэй хятад улсаас 400 тамирчин Токиогийн олимпод оролцоно.
Discussion about this post