Монгол Улсын Их Сургууль харсан бүхнээ харцаараа хөдөлгөдөг “хатантай” болжээ. Тодруулбал, тус сургуулийн захирлуудын ихэнхи нь нэр бүхий нэгэн багш эмэгтэйн атганд орж, хэлсэн үг бүрийг нь ёсчлон биелүүлж, харцных нь аясаар бөхөлздөг болсон гэнэ. Тэр эмэгтэй сүүлийн нэг жилийн хугацаанд улс даяараа цар тахалд бүх анхаарлаа хандуулж буйг ашиглан ийнхүү МУИС-д өөрийн ноёрхлыг тогтоож амжсан аж.
Жирийн нэгэн багш байтлаа жилийн дотор найз эмэгтэй багшийгаа дарга болгож чадсан даам гарсан уг эмэгтэй УИХ-ын нэр бүхий эмэгтэй гишүүнтэй удам гарал нэгтэй юмсанж. Мөн МУИС-ийн нэр бүхий нэг захиралтай янаг амрагийн харилцаатай гэнэ. Тиймдээ ч хууль ёсны дарга, захирал сэтэртэй биш боловч захирлуудаас дээгүүр эрх ямба эдэлж, МУИС-ийн сургалтын албаныхныг амралтын өдөр дуудаж, үүрэг чиглэл өгөх замаар хичээлийн хуваарийг өөрчлөх, хэнийг халж, хэнийг ажиллуулах, хэнд чөлөө өгөх, хэний цалинг нэмэх гэхчлэн бүгдийг толгой мэдэн шийдэж чадах болсноо бусдад сайрхан ярьдаг болсон ажээ.
УИХ-ын гишүүний удам гарал нэгт, нэг захирлын нууц амраг ингэж үндэсний хэмжээний хамгийн том их сургуулийг бүхэлд нь “базаж”, бүх шийдвэрийг дангаараа гаргах болсноор тус сургууль хөл толгойгоо алдаж эхэлсэн байна. Уг багш эмэгтэйг эсэргүүцсэн хэн боловч “толгойгүй” болох учраас түүний эл ноёрхлыг нь чимээгүй тэвчиж буй бололтой. Үндсэндээ МУИС-ийн ойрын ирээдүй арын хаалганы ганц эмэгтэй багшаас шууд хамааралтай болчихоод байна.
Discussion about this post