Сассексийн гүн Опра Уинфрид ярихдаа гэр бүлийнхэн нь түүнийг “шууд утгаар нь” санхүүгийн хувьд тасалчихлаа гэж хэлэхэд Уэльсийн хунтайжтай ойрхон эх сурвалжууд гайхаж байгаагаа нуухгүй байв. Банкны хуулга нь өөр түүх ярьсан гэж тэд хэлэв.
Уэльсийн хунтайж Сассексийн гүн, гүнгийн авхай нарыг албан ёсны үүрэгт ажлаасаа буцаж ирэхэд нь “үлэмж хэмжээний дүн” өгсөн. Харригийн өв залгамжлан авсан тэр мөнгөний ачаар зөвхөн Калифорнид шинэ амьдралаа авч явах боломжтой аж.
Хунтайж Чарльз өнгөрсөн жил Кембриджийн бэйс, гүнгийн авхай, Сассексийн гүн, гүнгийн авхай нарт нийт 4.5 сая фунт стерлинг өгсөн нь өмнөх жилийн 5.6 сая фунт стерлингээр буурсан болохыг тогтоожээ.
Кларенс Хаусын хэвлэлийн төлөөлөгч Ханхүү Харри, Меган Маркл нарыг хааны амьдралаас холдсоны дараа тэдэнд туслах “үлэмж хэмжээний мөнгө” оруулсан болохыг баталж, өнгөрсөн зун төлбөр тооцоо хийжээ. Мөн тэрээр “2020 оны 1-р сард Сассексийн гүн, гүнгийн авхай хоёр хааны гэр бүлээс холдох гэж байгаа тухайгаа мэдэгдэхэд бид хааны гэр бүлийнхэн санхүүгийн хувьд хараат бус болохын төлөө ажиллана гэж хэлсэн” гэж хэвлэлийн төлөөлөгч нь хэлжээ. Ханхүү Харригийн эцэг болох Уэльсийн хунтайж Чарльз тэдний амьдралын энэ шилжилтийг дэмжихэд ихээхэн хэмжээний мөнгө хуваарилсан байна.
Тэрбээр “Харригийн гэр бүл Хааны гэр бүлээс холдож тусдаа гарсан нь гэр бүлийнхэнд нь асар их уйтгар гунигтай асуудал болсон” гэж тодорхойлжээ. Хунтайж Чарльз тэдний ажилд туслахыг хүссэн. Тэднийг санхүүгийн хувьд хараат бус болоход маш их дэмжсэн.
Түүнчлэн Сассексийн гүнгийн авхайг дээрэлхсэн гэх хэргийг гадны хуулийн фирмээр шалгуулж, гарах мөрдөн байцаалтын ажиллагааг хувийн төлбөрт оруулж байгаа нь тодорхой болов.
Discussion about this post