Монгол телевизийн уран бүтээл “Ододтой бүжиглэе” шоу нэвтрүүлгийн ялагчдаар Б.Баттөр, Б.Халиун нар тодорч, гялтгар цом, 50 сая төгрөгийн эзэд боллоо. Тэд шагналын 50 сая төгрөгөө НҮБ-ын Хүүхдийн санд хандивлах болсноо зарлав. Бүжгийн урлагийн яруу тансгийг мэдрүүлж, олон нийтэд бүжгийн гайхамшгийг сурталчлан таниулж чадсан энэхүү нэвтрүүлэг 13 долоо хоног буюу бүтэн гурван сар гаруйн хугацаанд үргэлжилсэн юм.
Тус шоу нэвтрүүлгийн сүүлийн шатанд
-Ц.Аззаяа, Н.Отгонжаргал,
-Т.Бадамжав, Б.Алтанхөлөг,
-Б.Баттөр, Б.Халиун
-Н.Цэцэнбилэг, Б.Золжаргал нар үлдсэн билээ.
Б.Баттөр, Б.Халиун ялагчийн цомоос гадна 50 сая төгрөгийн эзэн боллоо. Энэхүү мөнгийг ялагч Б.Баттөр НҮБ -ийн Хүүхдийн санд хандивлахаа зарласан юм. Харин түүний хамтрагч Б.Халиунд 10 сая төгрөг нэвтрүүлгийн багийн зүгээс өглөө.
Монгол бол хандив тусламжийн орон болсон. Үүнийг нь “Ангууч” Баттөрийн үйлдэл улам нотоллоо. Энэ 50 сая төгрөг бол 13 долоо хоног буюу гурван сар хөдөлмөрлөсөн Баттөр, Халиун нарын хөдөлмөрийн үр дүн. Ард нь найруулагч, бүжиг дэглээч гээд хэдэн хүн байгаа билээ. Дор хаяж Баттөр Халиун хоёр хувааж авахад 25 сая. Гэтэл хандив гээд шууд өргөчихсөн. Энэ бүхнээ хамтрагчтай зөвлөсөн үү? Хэрэв Халиунаа хандив болгож өгөхгүй, авна гэсэн бол муухай харагдана. Гэвч 25 сая төгрөг бол Халиуны авах ёстой мөнгө мөн бус уу. Тиймээс тус нэвтрүүлгийн зүгээс Халиунд 10 сая төгрөг нөхөж өгөө биз ээ.
Ингэхэд “Ангууч” Баттөр ямар ажил орлоготой хүн бол, эсвэл тэрбумтны үр ач уу. Хоёр хүн зүтгэж хичээж явсан 50 сая төгрөгөө зүгээр л хэн хандивладаг, тэрийг нь юу ч хийгээгүй хэн нэгэн тэнгэрээс унаж байгаа юм шиг хүртэнэ гэдэг шударга уу. Хэдийгээр Баттөр сайхан сэтгэлтэй ч энэ үйлдэл бас өөрийнхөө хөдөлмөрийг, мөнгөний үнэ цэнийг үнэгүйдүүлсний нэг илрэл бус уу.
Discussion about this post