Загвар өмсөгч Д.Нора Сингапур болон Европын орнуудад загвар өмсөгчөөр ажиллаж байсан, манай хэдэн загвар өмсөгчдөөс хамгийн гол “алхсан” сайн модель. Тиймдээ ч “Гоёл”, Торго салоны загварын шоунуудад тэр болгон оролцоод байдаггүй, “болсон болоогүй топ модель шалгаруулах”-ын эсрэг байдаг хүн. Хөрөнгө чинээтэй, бэлтэй эрчүүдтэй нэр холбогдоод байдаггүй Д.Нора гадаадад загварын шоунд оролцсон мөнгөөрөө хангалттай амьдарч, 40 гаруй орноор аялсан “юм үзэж, нүд тайлсан” бүсгүй. Нэг жилийн хугацаанд Нью-Йоркт амьдарч мэргэжлийн гэрэл зурагчин болохоор суралцсан гэсэн. Гэхдээ мэдээж загварын ертөнцөө орхиогүй, загвар өмсөгч, моделиор ажиллахын зэрэгцээ сонирхол, хүслийнхээ дагуу гэрэл зургийн чиглэлээр суралцжээ. Сарын өмнө эх орондоо ирсэн Д.Нора одоогоор амарч байгаа. Загвар өмсөгч Д.Нора европт удаан амьдарсан болохоор тэр үү, санасан бодсноо ил хэлчихдэг шулуухан зантай. Нэг сэтгүүл Норагийн зургаар нүүрээ чимэх санал тавихад өөдөөс нь 5 сая төгрөг гэж дуугарч байсан нь буруу биш. Үс зүс, бие галбир нь загвар өмсөгчид л баймаар заяамал төрхтэй сайн модель Нора бурхны бүтээлд ч бяцхан засвар хэрэгтэй гэгчээр, өөртөө бяцхан засвар “хийсэн” бололтой. Сүүлийн үед загвар өмсөгч Д.Нораг нүдэндээ давхраа оёулсан гэлцэх болов.
Discussion about this post