“Эмоци” продакшны жүжигчин Жерри буюу Т.Бадамжав “Ододтой бүжиглэе” шоунд оролцож адтай, авъяаслаг бүжигчин, жүжигчин гэдгээрээ гайхагдаж байна. Жерри Увс Зүүнговь суманд төрсөн, 5 настайдаа хотод иржээ. Сэтгүүлч болохыг хүсдэг байсан ч УДЭТ-т “Парисын Дарь эхийн сүм” жүжгийг үзээд мэргэжлээ сонгосон. Жүжигчин Т.Бадамжав “Рекэт” кинонд тоглохын тулд нэг сарын дотор 10 кг таргалж, үсээ тайруулсан нь мэргэжилдээ хүндэтгэлтэй ханддагийн илрэл. Жерри 2015 онд СУИС-ийг төгсөн, “Эмоци” продакшнд харъяалагдах болсон аж. Жерри 2019 онд хуримаа хийсэн, нэг хүүтэй.
Сүүлийн үед “Ододтой бүжиглэе” шоуны шилдэг оролцогчдын нэг болж, үлдсэн долоон хосын нэг. Оноогоороо бол Жерри, Алтанхөлөг хоёр нэлээн дээгүүр яваа. Б.Идэр-Од Жерриг бахдаж, “Бүррррр нэг чөөгий шүү! Дуууус дуус!! 
” гэж сэтгэл хөдлөлөө илэрхийлсэн. Харин сүүлийн үед Жерри, Алтанхөлөг хоёрыг дотно байна гэж үзэгчид хардаж эхэлсэн. Үүнд хариулах мэт Жерри “Анх Хосоотой учраад энэ хүнгүйгээр яаж амьдарч байсан юм бол гэж боддог байлаа. Гэтэл энэ бяцхан хайр гарч ирээд бид 2 энэ хөөрхөн хүнгүйгээр яаж амьдардаг байсан юм бол гэж боддог болсон шүү. Аз жаргалууд минь” гэжээ.
Discussion about this post