“Ододтой бүжиглэе” шоунд 14 хос бүжигчин анх оролцож, одоо долоон оролцогч тунаж үлдээд байгаа. Тэдэн дунд долоо хоног бүр нүдэн дээр илт сайжирч байгаа чансаатай оролцогчийн нэг нь Анхбаяр, Д.Ганцэцэг хоёр. Жүжигчин Д.Ганцэцэг бүжигчид дотроос ганцаараа 40 настай гэдгээрээ онцгойрно. Д.Ганцэцэгтэй үе тэнгийн нэвтрүүлэгч Ч.Ундрал, дуучин Б.Номин-Эрдэнэ хоёр оролцсон ч хамгийн эхэнд хоёулаа шоуг орхисон. Тэрчлэн 52 настай оролцогч МУГЖ С.Эрдэнэцэцэг мөн хасагдсан. Жүжигчин Д.Ганцэцэгээс 10 шахам насаар дүү залуус болох жүжигчин А.Дөлгөөн-Аюуш, загвар өмсөгч “Индиго” Энхболд хоёр шоуг орхилоо. Дуучин Б.Маралжингоо, “Гала”-гийн Ану, мөн Д.Ганцэцэгтэй үе тэнгийн настай дуучин Д.Намсрайноров мөн хасагдав.
Харин Д.Ганцэцэгийн сайн морь уях тусам хурдалдаг шиг, долоо хоног бүр илүү сайн бүжигчин болж байгаа нь харагдсаар. Дөнгөж 20 гаруйхан насны залуустай эн тэнцүү хүч үзэж байгаа авъяаслаг жүжигчин Д.Ганцэцэгээр үе тэнгийнхэн нь бахархаж байна. 
Discussion about this post