Монгол түмний хувьд мөнхийн хит дуу болох Монгол ардын уртын дуу “Эр бор харцага”-ыг өөрийнхөөрөө сайхан дуулж энэ цагт хүмүүст хүргэсэн уртын дууч Жавхаасайханыг сайн ч дуучин, сайхан ч эр гэж урлагийнхан үнэлдэг. Морин хуурын чуулгын Түвшинсайханы төрсөн дүү Жавхаасайханыг хээгүй гүндүүгүй, гүдэсхэн Монгол эр гэдэг тодорхойлолтонд яг тохирох монгол эр гэлцдэг. Үг дүү цөөнтэй Жавхаасайханыг хэрвээ “Шуранхай” хамтлагийн дуучин Үүрийнтуяа эхэлж санаачлага гаргаагүй бол өдийд юун Үүрийнтуяатай сууж, хоёр хүүхэдтэй болох ганцаараа ч явж мэдэх байсан гэж занг нь мэдэх хүмүүс хэлдэг. Уртын дууч Жавхаасайханы дуунд дуртай хүн олон бий, тэр тусмаа сумогийн их аварга Хакухо Жавхаасайханы дуунд тун дуртай гэнэ. Тиймдээ ч японд болсон хуриман дээрээ урьж аваачин ёстой л хоолойг нь сөөтөл уртын дуу дуулуулжээ. Баярласан Хакухо хайртай дуучныхаа гарыг тас атгаж, “гомо” зураг авахуулжээ.
Discussion about this post