Шадар сайд С.Амарсайханы эхнэр МҮОНТ-ийн нэвтрүүлэгч Ч.Ичинхорлоо коронавиурсээр халдварласан аав ээж хоёроо сахих гэж ХӨСҮТ-д очоод нэг хоноод гарч, журам зөрчсөн нь ил болсон. Гэтэл Шадар сайд С.Амарсайхан хүү А.Энххүслэндээ журам зөрчин 27000 долларын тэтгэлэг олгуулсан нь ил болжээ. Энэ талаар ил болоход Шадар сайд С.Амарсайхан хүүдээ хандсан уянгын захидал бичиж олон нийтийн сүлжээнд байршуулсан нь дуучин С.Сэрчмаагийн гэмт хэргийг “онигоо” гэж уучлал гуйсантай адил хэрэг боллоо.
Үүний хариуд “Элийрэгч” гэх Ц.Уянга: Энххүслэн! Миний дүү! Юуны өмнө амьдралынхаа гараан дээрээ ийм хэл амны бай болж бгаад чинь хүлцэл өчье. Гэвч чиний хамгийн хайртай, итгэж найдах хүмүүс чинь чамаар туг тахиад ч хамаагүй албан тушаал, эрх мэдэлтэйгээ зууралдаж байгаа нь дэндүү ичгэвтэр зүйл билээ.
Аав чинь 2020 оны 70-р тогтоолоор зогсоосон бакалаврын тэтгэлгийн хөтөлбөрийг албан тушаалаа ашиглан давуу байдал үүсгэж хамаарал бүхий этгээддээ авч өгчээ. Энэ бол хууль бус үйлдэл, миний дүү. Үүнийг төсвийн хулгай гэдэг. Ард түмэн чинь нийлээд чам шиг авьяастай, сурлагатай, мэрийлттэй ч боломж олдохгүй байгаа айлын хүүхдүүдэд мөрөөдлөө биелүүлэхэд нь туслах зорилгоор хуруу хумсаа хугалан байж цуглуулсан хамтын мөнгөнөөс аав чинь хумсалжээ.
Ёс зүйтэй хүн бсан бол өдийд энэ үйлдэлдээ ичиж хамгийн түрүүнд чамаас, дараа нь ард түмнээсээ өвдөг сөгдөн уучлал эрж байх учиртай. Даанч аав чинь энэ гэмт хэрэгтээ чамайг бухчихлаа. Аав чинь чамаас мөнгөө ч харамлаад зогссонгүй. Тэр бас сэтгэлийн гуйлгачин байжээ. Дүү минь, чамд гэрэлт ирээдүй байгаа гэдэгт итгэлтэй байна. Аавынхаа замаар бус өөрийнхөө хүслээр, зөв замыг сонгож, ёс зүй, ичих нүүр, эрхэмлэх нэр төртэй сайн хүн болоорой гэж ерөөе!” гэж хариу бичжээ. 
Discussion about this post