Улаанбаатар хотын Захирагчийн ажлын албанаас 2021 онд хөшөө дурсгалт зүйлсийг сэргээн засварлах, орчныг тохижуулах ажлыг хийхээр болжээ. Энэ ажлын хүрээнд Махатма Гандигийн хөшөөний засварын ажил хийжээ.
Уг хөшөөний ус нэвчиж эвдэрсэн суурийг байгалийн боржин чулуугаар солих, намаг үүсэн, суулт өгсөн хөшөө орчмын талбайн хөрсийг хуулан, нягтаршуулан хавтан тавих, бичвэрийг солих, орчныг тохижуулах ажлыг “Бодь буян” ХХК энэ сарын 14-нд эхлүүлэн өчигдөр гүйцэтгэж дуусжээ.
Мөн Улаанбаатар Захирагчийн албанаас Гандигийн гудамжинд 2018 онд 4-6 метр өндөртэй 185 ширхэг нарс модыг тарьж, ногоон өнгийн гэрлээр гэрэлтүүлэн, ургамлан хашлага хэлбэрээр 1260 м хайлаас, 7 төрлийн 74 ширхэг бут, 1 ширхэг шинэс, 3 ширхэг гацуур зэрэг гоёл чимэглэлийн мод бут сөөгийг тарьж, хөшөөний гэрэлтүүлгийг хийжээ. Гудамжны 5620 м2 зүлэгт талбайг арчилж байна. 
Discussion about this post