Засгийн газрын нөөц сангаас 1,7 тэрбум төгрөг гаргаж 490 саяар КАМАЗ машин авчээ

Цар тахлаас шалтгаалан иргэдийн хөл хөдөлгөөн хумигдаж, Онцгой байдлын газраа оройн дээд гэх нь холгүй шүтэж байгаа. Гадаадын хандивлагчид, монголчууд ч онцгой үед зориулан, хонь мал, мөнгө төгрөг хандивласан.

Өнгөрсөн 2020 оны 7 сард 3 тэрбум төгрөг 323 ААН, 241 иргэнээс мөнгөн хэлбэрээр, 2 тэрбум төгрөгийг 70 ААН, 2 иргэн материаллаг байдлаар, 800 толгой хониор хандив өргөсөн байна.

Онцгой байдлын ерөнхий газар нийт 1.8 тэрбум төгрөгөөр амны хаалт авснаас 2020 оны зургаадугаар сарын 15-нд 1.7 тэрбум төгрөгөөр нь амны хаалт авчээ. Шалтгаанаа “Эдгээр амны хаалтыг УИХ-ын сонгуульд хэрэглэх гэж хөрөнгө зарцуулсан” гэх тайлбар өгсөн байдаг. Тэр үед Ковид 19 цар тахлыг дотооддоо алдаагүй, 10 дугаар сард дуучин Дэмбэрэлнямын “Хархан нүдэн” тоглолтын үед жолооч Д-гээс илэрсэн гэж байсныг иргэд санаж байгаа. Дотооддоо алдаагүй үед яах гэж 1,7 тэрбумыг маск авч тэр их мөнгийг үрсэн юм бэ. Мөн хандиваар ирсэн 800 толгой хониноос 300 толгой хонийг зарж, ОБЕГ-ын дансанд төвлөрүүлсэн гэж тайлагнасан ч дансанд орж ирээгүй гэсэн хэл ам гарч байлаа.

   Тэгсэн атлаа өнгөрсөн 2020 оны 12 дугаар сарын 30-нд Монгол Улсын засгийн газраас тогтоол гарган Засгийн газраас нөөц сангаас 1 тэрбум 711 сая 430 мянган төгрөг гаргасан. Анзаарсан бол УИХ-ын сонгуулиар маск авахад зориулсан 1,7 тэрбумтай яг ижил тооны мөнгө. Энэ мөнгөөр 453 сая орчим төгрөгийг дотоодын халдвараас шалтгаалж ажиглан тусгаарлах байранд буй иргэдийн хоол байр, 118 сая төгрөгийг эмч, ажилтнууд, 111 сая орчим төгрөгийг нийслэлээс орон нутаг руу буцаах иргэдийн зардалд зориулжээ.

Мөн Дархан-Уул аймгийн Онцгой байдлын газарт 490 сая төгрөгөөр аврах ажиллагааны камаз, 36 саяар Сэлэнгийн Онцгой байдлын газар пургон, 39 саяар 3 Хантер маркийн машин авч, Сэлэнгэ, Баянхонгор, Өвөрхангай аймгийн суманд өгсөн байна. Үлдсэн 150 сая  гаруй төгрөгөөр Архангай, Говьсүмбэр, Дархан-Уул, Сэлэнгэ, Орхон аймагт ариутгалын бодис авч өгчээ.

Эндээс харахад ОБЕГ 10 шахам машин албандаа машин авах мөнгөөр буюу 1,7 тэрбумаар нэг удаа маск авч, тэр их мөнгийг салхинд хийсгэсэн нь харамсалтай.