УИХ-ын гишүүн асан Н.Номтойбаяр 5 жил 5 сар хоригдох ял сонссон. Хүүгээ саатуулагдсанаас эхлэн олны өмнө гардаггүй ээж Д.Хулан нь ярилцлага өгч, цахимд хаягтай болж хүүгийнхээ төлөө тэмцэж эхэлсэн. Хүүгээ өмөөрсөн ээж ийн бичжээ.
Миний хүүг ЮУ ХИЙСЭН ГЭЖ ХЭН ЯАГААД ЯЛЛААД байгаа юм бэ?
Бид тендер, улсын өмчийг хувьчилж аваагүй, лиценз харийханд худалдаагүй, off-shore бүсэд мөнгө хадгалаагүй! Хадгаламж гэдэг үгийг мартаж эрсдэлээ үүрэн үүрэн Монгол Улсаа хөгжүүлэх үйлдвэрүүд байгуулахын төлөө зээл аван, 30 мянган хүнийг цалинжуулж, 1,3 их наяад төгрөгийн татвар хураамж төлж, явсан газартаа сургууль цэцэрлэг барьж, амьдрал цэцэглүүлэхэд 30 жилээ зарцуулсан.
Миний хүү 2012 онд УИХ-ын гишүүн болсон өдрөөсөө эхлэн шударга ёс, монголын хөгжлийн төлөө ТЭМЦЭЖ ирсэн. Сайд байхдаа хийсэн ажлаас нь зах зухаас дурьдахад Ахмадын Хишиг, Цалинтай ээж, Хүүхэд Настайчууддаа Эмийг хөнгөлөлт гээд хэдэн нүүр хуудас болдог.
Тэгээд яагаад биднийг, бидний үр хүүхдүүдийг гутаан доромжлоод, хонгилоор чирээд, хүүгий маань яллаад байгаа юм бэ???
Ердөө л хийсэн бүтээснээрээ ялгарч, хэнээс ч эмээлгүй, хэнд ч авталгүй, хуулиа сахихыг ам бардам шаардаж чаддаг болохоор, хамтарч хулгай хийдэггүй, Олигарх, АВИЛГАЧДЫН эсрэг дугардаг болохоор яллаж байгаа юмуу?
Миний хүү өөрийгөө юунд буруутгагдаад байгааг мэдэх гэж мөрдөгчөөс тодруулсныг нь “дарамталсан” болгож Үндсэн хууль, Сонгуулийн хуулийг зөрчин хорьсон. Яллах дүгнэлт ч өгөөгүй шууд анхан шатны шүүхийн хуралдаанд орсон. Дуудахыг хүссэн нэг ч гэрчийг оруулаагүй, нотлох баримт байхгүй байхад “ӨМГӨӨЛӨГЧГҮЙГЭЭР” “ХААЛТТАЙ ШҮҮХ” хурал болсон. Албан тушаалаа урвуулан ашигласан хэмээх хэрэг нь ХОХИРОЛГҮЙ ХОХИРОГЧГҮЙ, ажлын байр нэмсэн, төлөгддөггүй зээлийг төлөгддөг болгосон.
Миний хүүг ЕС Хүрэлсүхийн захиалгаар Хууль зүйн Сайд асан Нямдорж хууль зөрчин хорьсон талаар хэвлэл мэдээлэлээр одоо хүртэл шуугисаар байна. Харин Ерөнхий сайд хэвлэлийн хурал дээр өөрийх нь хяналтаас гарсан гэдгээ илэрхийлсэн. Арай ч хийгээгүй хэргийн төлөө 5,5 жилийн ял өгнө гэж бодоогүй бизээ. Тэгэхээр Ерөнхий сайдыг өшөө авагч, хонзогногч дүрээр мөнхөлхийг хүссэн Ерөнхийлөгчийн хийж байгаа ажил мэт ойлгогдож байна.
Хүүгээ үнэхээр ганц ширхэг хадаас хулгайлсан бол бид ганц ч хуруугаа хөдөлгөхгүй! Зүрхээ шимшрүүлээд элгээ хатаагаад суухгүй!
Миний хүү, хэвлэл мэдээллийнхэн та нарын ажлыг хүндэтгэн дэмжин, үргэлж нээлттэй байж ирсэн! Шүүх засаглалыг шудрага байна гэж итгэн УИХ Гишүүнээс татгалзаж шалгуулсан.
Одоо та бүхнээс шүүх хурлыг НЭЭЛТТЭЙ явуулахад дуу хоолойгоо өргөхийг, Шүүх хурлыг ШУУД ДАМЖУУЛАХЫГ хүсэж байна.
Миний хүү Номтойбаярыг ЦАГААТГАХЫГ шаардаж байна!
Мянга мянган хүмүүс миний хүүг дэмжидэгээ илэрхийлсэн. Та бүхний дэмжлэгтэйгээр НОМТОЙБАЯРЫГ ДЭМЖИГСЭДИЙН ХОЛБОО БАЙГУУЛЖ МОНГОЛ ОРНООРОО ЯВЖ ХҮҮГЭЭ ЦАГААТГАХ АЯНЫГ ЭХЛҮҮЛЭХЭЭ МЭДЭГДЭЖ БАЙНА!
Discussion about this post