Дэлхий дахинаа хит болж чадсан Өмнөд Солонгосын “Crash Landing On You” цувралын жүжигчид болох Сон Еэ Жин, Хюн Бин нар өнгөрсөн оны гуравдугаар сараас хойш дотносон үерхэж байгааг жүжигчдийн харьяалагддаг агентлагууд мэдээлжээ. “Тэдний хайр сэтгэлийн харилцаа цуврал дууссаны дараа эхэлсэн” гэж Хюн Биний менежмэнтийг хариуцдаг VAST Entertainment-ийн мэдэгдэлд өгүүлсэн байна. Хоёр жүжигчин 1982 онд төрсөн нас чацуутнууд юм.
Энэ оны эхний өдөр Сон Е Жин өөрийн Инстаграм хуудсаараа дамжуулан Хён Бинтэй үерхсэн тухайгаа ярьжээ. 1-р сарын 1-ний үдээс хойш Сон Е Жин дараахь тайлбар бүхий сагстай цэцгийн зургийг тавьжээ. “Энэ бол шинэ жил. Анх удаа ажилтай холбоотой мэдээ гэхээсээ илүүтэй миний хувийн амьдралын тухай мэдээтэй хамт та бүхний өмнө гарч ирээд яагаад ийм ичиж байгаагаа гайхаж байна…Тиймээ, ийм л болсон байна. Би юу хэлэх ёстойгоо сайн мэдэхгүй байна, гэхдээ ядаж та бүгдэд ямар нэг зүйл хэлэх ёстой гэж бодлоо. Маш эвгүй, хачин санагдаж байна. Сайн хүнтэй уулзаж чадсандаа талархаж байна. Би [харилцааг] анхааралтай хандахын тулд шаргуу ажиллах болно. Та бүгдийн надад өгдөг хайр, дэмжлэгийг би үргэлж зүрх сэтгэлдээ хадгалж байдаг. Шинэ жилдээ олон сайхан зүйл тохиолдох байх гэж найдаж байна. Эрүүл байгаарай” гэжээ. 
Discussion about this post