Сэлэнгэ аймгийн Сайхан сумын тасгийн нягтлан бодогч Д.Эрдэнэхишиг нь төрсөн эгч, бэр дүүгийнхээ нэрээр 200 гаруй сая төгрөгийн жирэмсний, амаржсны болон ажилгүйдлийн тэтгэмж аваад баригджээ. Энэ хэрэгт тасгийн дарга нь хараа хяналтаа сулруулсан, албан тушаалдаа хайнга хандсан хэмээн буруутгагдсан. Нягтлан нийтдээ 70 гаруй удаагийн үйлдлээр мөнгө завшжээ. Ажилгүйдлийн тэтгэмжийн материалыг иргэн өөрөө бүрдүүлээд сумын тэтгэмжийн байцаагчид хүлээлгэн өгдөг. Тэтгэмжийн байцаагч жагсаалт үйлдэн гарын үсэг зурж нягтлан бодогчид өгч нягтлан бодогч гарын үсэг зурж тасгийн даргаар хянуулан гарын үсэг зураад аймаг руу явуулдаг журамтай. Гэтэл нягтлан нь уг жагсаалтыг файл хэлбэрээр авч улмаар өөрийн хамаарал бүхий хүмүүсийн нэрийг оруулан өөрөө гарын үсэг зурж байцаагчийн тэмдэг дарж явуулж иржээ. Шүүх тасгийн дарга нягтлан хоёрыг 5,4 сая төгрөгөөр торгожээ.
()
Discussion about this post