Америкийн поп дуучин Бритни Спирс ерээд оны сүүлч, 2000 оны эхээр ид мандан бадарч явсан. Бритни Спирс мөн тэр үеийн хөвгүүдийн шилдэг хамтлаг болох Backstreet boys-той хамтарч шинэ уран бүтээл гаргажээ. Өчигдөр буюу 2020.12.12-нд Бритни “Backstreet boys” хамтлагтай хамтарсан “Matches” нэртэй шинэ дуугаа цацжээ. Бритни Спирс шинэ дуугаа цацмагцаа өөрийн твиттер дээр “Сайн найзууд болох BSB хамтлагтай хамтарсан шинэ дуу цацагдлаа. Та бүхний санал бодлыг сонсохыг тэсэн ядан хүлээж байна” хэмээн жиргэсэн байна. Backstreet boys хамтлагийнхан ч мөн твиттер дээрээ “Ямар гайхалтай өдөр вэ. Бид хоорондоо ингэж хамтрахыг 20 жил мөрөөдөж, хүлээсээр ирсэн юм. Эцэст нь өнөөдөр ийнхүү хамтарсан дуугаа олонд хүргэж байна” гэжээ.
Бритни Спирс “Backstreet boys” хамтлагтай хамтран дуулжээ
