Аюулгүй байдлын төлөө ээжүүдийн холбооноос өнөөдөр “Мөнх тэнгэрийн зарлигийг сонордуулах нь” сэдвээр мэдээлэл хийв.
Хурлын эхэнд тус холбооноос зарлигийг уншиж сонордуулсан юм. Тус холбооны тэргүүн Г.Алтанцэцэг “Монголчууд өвөг дээдсээс уламжилж ирсэн түүх, ёс заншлынхаа дагуу амьдрах ёстой. Гэтэл болж бүтэхгүй олон зүйл гарч байгаа учраас тэнгэрийн бошго буусан. Монголын гал голомтыг ариун дагшин хэвээр нь үлдээхийн тулд тэнгэрийн зарлиг буусан гэсэн үг.
Өнөөдрөөс эхлэн Монголын ариун гал голомтод муу муухай юм хийхгүй байгаа хүн бүхэн тэнгэрийн өршөөлд хамрагдана. Өдөр тутамд тулгамдаж буй асуудлыг бүгд мэдэж байгаа. Аюулгүй байдал алдагдсаар байна” гэлээ.
Мөн Аюулгүй байдлын төлөө ээжүүдийн холбооноос маргааш зуны тэргүүн илүү сарын шинийн 8-ны билэгт сайн өдөр тохиож байгааг онцолсон. Иймд энэ өдөр 06:30 цагт ээжүүдийг Монгол үндэстнийхээ, үр хойчийнхоо ирээдүйн төлөө орон даяар буй ээжүүдийг цай, сүүнийхээ дээжийг тэнгэр бурхандаа өргөхийг уриалав.
