Дуучин А.Түмэн-Өлзийн өнөөдөр үүдэл эсийн хорт хавдраар өвдөн шаналж буй бяцхан хүү Батхишигийн Очир-Эрдэнэд 5 сая төгрөгийн хандив өргөсөн. Ер нь дуучин А.Түмэн-Өлзий хүнд чадлаараа тусалдаг. 18-хан насандаа авто осолд орж, суумгай болсон дуучин Г.Бадамцэцэг дээр байн байн очиж, хүмүүсээс тусламж гуйн лайв хийсэн нь нэг бус удаа.
Юутай ч хүүгийнхээ эмчилгээнд зориулж 5 сая төгрөг авсан Очир-Эрдэнэ хүүгийн ээж Булган “Маш их баярлалаа, дуучиндаа. Миний хүүд сэтгэлийн дэм өргөж, 5 сая төгрөг өглөө. Монголчууд минь хүнийг битгий өнгөц дүгнэж, нийтээрээ битгий дайраарай гэж хүсэж байна. Дуучиндаа урлагийн их амжилт хүсье. Их сайхан өдөр байна, итгэл улам их боллоо. Хүүгээ эдгээж, эх орондоо хэрэгтэй хүн болгоно оо” гэжээ.
Discussion about this post