Дондогдулам хатны оюу, шүрэн эрхи Богд хааны музейд хадгалагдаж байна

Нэр үл мэдэгдэх монгол урлаач

XIX зууны сүүлч

Шүр, оюу, бусад чулуу

Эрих нь 108, 54, 27, 21, 18 гэсэн тоотой байдаг. Буддын шашин шүтдэг Монгол, Төвөд, Энэтхэг, Балба, Япон, Хятад, Солонгос, Шри-Ланка, Камбож, Вьетнам зэрэг олон орнуудад эрхи эргүүлдэг ёсон дэлгэрсэн түүхтэй. “Их хөлгөн”-ий хоосон чанарыг эрхэмлэдэг монголчуудыг “дундаж үзэлтэн” гэдэг.  Дундаж ёсны үзлийг баримтлагчид “Сэрэхүйн таван эрхтэнд мэдрэгдэж, сэрлээр дамжин сэтгэхүйд тавигдах орчлонг буй болгож байгаа бодис 108 гэдэг. Мөн орчлонг буй болгогч махбодын тоо 108 учир эрхиний тоо 108 байна” гэж үздэг тул монголчууд голдуу 108 эрхи хэрэглэж иржээ.

Гэрэл зурагт байх Дондогдулам хатны эрхи нь шүрэн бөнжигнүүр, оюу бөөртэй, гуулин “дөрвөн арвай” холбоотой, оюу хаалттай 108 ширхэг шүрэн эрхи болно. Одоо Богд хааны музейд хадгалагдаж буй.