“Apple”-ийг 10 дахь жилдээ удирдаж байгаа Тим Күк гүйцэтгэх захирлын цалин удахгүй тэрбумаар хэмжигдэж магадгүй нь. Тим Күк захирал 10 дахь жилийнхээ ажлын шагнал урамшуулалд 750 сая ам.доллартой тэнцэх хувьцаа авчээ. Үүнийг энэ долоо хоногт гаргасан АНУ-ын хөрөнгийн зах зээлийн тайлан мэдээнд өгүүлжээ.
Дэлхийн хамгийн өндөр үнэлгээтэй компанид тооцогдож байгаа “Apple”-ийн хувьцааны ханшийн өсөлт 2018-2021 оны хооронд 192 хувьд хүрсэн нь Күкийг ийм хэмжээний шагнал авахад хүргэсэн гэж зах зээл судлаачид дүгнэж байна.
Зөвхөн энэ онд Apple-ийн хувьцааны ханш 11 орчим хувиар өсөж, зах зээлийн үнэлгээ нь 2.4 их наяд ам.долларт хүрчээ.
Тим Күкийн хөрөнгийн хэмжээ 1.5 тэрбум ам.доллар хүрч, албан ёсоор тэрбумтнуудын тоонд орсныг өнгөрсөн онд Блүүмбэрг агентлаг зарлаж байв.
Күк анх 1998 онд Apple компанид ажиллаж эхэлсэн ба хэд хэдэн албан тушаал дамжсаны эцэст одоогийн байр сууриндаа хүрсэн юм.
Apple-ийн үүсгэн байгуулагч Стив Жобс биеийн эрүүл мэндийн шалтгаанаар 2011 оны наймдугаар сард албан тушаалаасаа огцроход Тим Күк залгамжилж байжээ. Энэ явдлаас хэдхэн хоногийн дараа Жобс хорт хавдрын улмаас нас барсан юм.
Discussion about this post