Монгол эрчүүд чоныг “ижил тэнгэртэйдээ харагдаж, илүү тэнгэртэйдээ алагддаг” хэмээн ярьж, хурдан буу, хурдан машин унаж амийг нь арай гэж тасалснаа ид бах болгодог. Харин чоно харж, тэр тусмаа унагасан бод малаа идэж байгаа чоныг харсан хүний хийморь ямархуу байдаг бол. Тэгвэл Монгол Улсын Ерөнхий сайд асан Санжийн Баяр “Юм юм л үзэж явлаа. Гэтэл унагасан бяруугаа зулгаж буй чонотой ийм ойрхон зайнд (30 метр) тулж байсангүй. Машин барьж явсан учраас зураг дарж амжаагүй. Амжсан нөхрөөсөө сая авлаа. Хөвсгөл, Арбулаг сум” гэжээ. С.Баяр олны хайр хүндэтгэлийг хамгийн их хүлээсэн иөн, хамгийн их үзэгч ядагчидтай улстөрч. Өнгөрсөн 7 дугаар сарын 7-нд суллагдсан. суллагдсанаасаа хойш “Хорих 409 ангид очиж, хамт сууж асан хөгшин, залуу хоёрыг эргэв. Өршөөлд багтах олон жилийн найдлага нь талаар болж. Тун ч гутрангуй байна. 50 жилийн өршөөлөөр монголын шорон хоосорч, олон мянган айлын буян заяа сэргэсэн гэдэг. 100 жилийн ойгоор үүнийгээ давтсан бол зүгээр байж” гэж жиргэж байсан нэгэн. Нас нь 60 хол гарсан, жилгаруй яс сууж хоригдсон С.Баяр уугуул нутаг Хөвсгөл руу байн байн ухасхийж, нар салхинд гардаг болоод байгаа.
Discussion about this post