Ж.Гарамханд гэдэг гимнастикч бүсгүй А.Сүхбат аваргатай нэр холбогдсоноор олны анхаарлыг татах болсон. Дөнгөж 20 настай бүсгүй өөрөөсөө 20 насаар ах, хоёр ч эхнэртэй амьдарч үзсэн үе мултарсан ах хүнийг сонгоно гэдэг хэцүү биз. Харин Гарамханд гэдэг бүсгүй ийм зоримог сонголт хийж, А.Сүхбат аваргатай дөрвөн жил шахам амьдарч хоёр хүүхдийн аав ээж болсон. Эхэндээ харилцаагаа нууцалдаг байсан А.Сүхбат аварга, Гарамханд хоёр сүүлдээ бүр цайрч, өмссөн дээлийнхээ өнгийг ижилсүүлэн хамтдаа наадах болсон билээ. Фитнесс клубт багш Ж.Гарамханд өмнө нь үе тэнгийнхээ хүүтэй үерхдэг байсан. Гарамхандын найз залуу Солонгос руу сурахаар явж, Гарамханд А.Сүхбат аваргатай танилцсанаар залуу хосын хайрын романс дуусгавар болсон. Энэ харилцаагаа дуусгах тийм ч амар байгаагүй биз. Ямартаа ч Гарамханд 2011 оны 11 дүгээр сард фэйсбүүктээ ингэж бичин үлдээжээ.
“Хэн ч хvрээгvй ариухан чамайгаа Хэнздvvлж орхиод би явлаа ч Хэнийх ч болоогvй цэцэгхэн чамайгаа Хэнэггvйхэн таслаж яасан ч би зvрхлэхгvй. Дундуураа дvvргэх гэж хvмvvс бие биендээ дурладаг ч гэлээ Дутуугаа нөхөх гэж хvмvvс нэг нэгнийгээ хайрладаг ч гэлээ Сэтгэлийг чинь зугаа болгож даанч би зvрхлэхгvй нь Хайрыг чинь тоглоом болгож даанч би чадахгvй нь Би явлаа…” гэж бичсэн. Магадгүй энэ нь өмнө нь үерхэж байсан залуудаа зориулсан байж магадгүй л юм. Удалгүй А.Сүхбат аваргын хүүхдийг төрүүлж, таван жил хамтдаа амьдарсан. Хоёр хүүгийн аав ээж болсон, олны өмнө хамтдаа гардаг байсан хос салсан нь А.Сүхбат анхны гэргий Т.Баясгалангаас холдоггүй, хоёр дахь эхнэр нь гэхэд Содномдаржаа хүүхэдтэй болсон нь залуу бүсгүйн тэвчээрийг барсан гэх юм билээ.
Discussion about this post